Гевгелискиот Црвен крст ја одбележува Неделата за грижа на стари лица

Црвениот крст од Гевгелија се вклучи во одбележувањето на Неделата за грижа на старите лица со цел да го потенцираат значењето за потреба од нивна зголемена интеграција и социјална инклузија во општеството.

Под мотото „Сите сме нивни деца“ неделава се организираат низа активности за да се нагласи колку е важно младите да се грижат за повозрасните.

Во рамки на програмата денеска беше организирана едукативна работилница за здраво и активно стареење како составен дел од животот за пензионерите од Гевгелија, Богданци и Дојран на која беа презентирани повеќе теми од интерес за постарите лица како предизвици со деменција, демографски статистики, стареењето, како физиолошки процес, но и за погодностите од сертифицираните негуватели и асистенти.