Бујамин Рушити од Беса избран за претседател на Советот на Општина Брвеница

Советот на Општина Брвеница денеска на конститутивната седница за нов претседтаел го избра Бујамин Рушити од Беса. За него гласаа осум советници, додека шест беа воздржани.

-Сме соработувале во овој Совет и порано, нашата цел е за општината да работиме заедно и да носиме добри одлуки. По четири години луѓето да се сетат на добри работи, посочи Рушити во обраќањето по изборот.

Советот ги состави и комисиите.

Советот на Општина Брвеница брои вкупно 15 членови од кои пет има ВМРО ДПМНЕ, по три имаат ДУИ и Алијанса за Албанците и Алтернатива додека по двајца советници Движење Беса и СДСМ.