Донација од САСА на меѓународниот ден на лицатa со попреченост

Рудник Саса по повод 3. Декември – Меѓународниот ден на лицата со попреченост продолжува со континуираната поддршка наменета за локалната заедница во М.Каменица. Оваа година, преку својата Фондација за поддршка на одржливиот развој, САСА донираше опрема која се состои од кревети, клима-уреди, играчки, хартија и прибори за цртање, принтер и други канцелариски материјал наменета за Дневниот центар за лицата со попреченост, чии услуги ги користат 15 лица од општина Македонска Каменица.

-Со својата поддршка за лицата со попреченост што ја обезбедува во континуитет, САСА покажува на дело дека целосно ги разбира потребите, вниманието и грижата која им е неопходна на овие наши сограѓани, за да можат тие да се почувствуваат дека се вистински интегрирани во заедницата. За ваквата поддршка, сите ние кои сме дел од овој систем сме ѝ исклучително благодарни на САСА, која претставува одличен пример и поттик за останатите компании и субјекти во општеството, за тоа како треба да се делува, изјави во оваа прилика Благој Стоименовски, раководител на Дневниот центар за лица со попреченост во Македонска Каменица.

Секој човек, без оглед на својот статус и потреби заслужува да биде еднакво среќен и прифатен во општеството, посочија од САСА објаснувајќи го мотивот на компанијата за поддршката што континуирано, секоја година ја обезбедува за лицата со попреченост.

Ваквата поддршка како што наjавија одговорните во САСА, ќе продолжи и во иднина.