Промоција на стратешкиот инвестициски проект „Соларен парк Стипион“

Стратешкиот инвестициски проект „Соларен парк Стипион“ денеска ќе биде промовиран во Владата. Проектот ќе има капацитет за производство на електрична енергија од 350 до 400 мегавати (MW). Инвестицијата е проценета на околу 270 милиони евра.

Најавени се обраќања на премиерот Зоран Заев, претседателот на француската компанија „Акуо Енерџи“, Ерик Ското, како и францускиот амбасадор во државава Сирил Бомгартнер.

Владата на седница на 23-ти минатиот месец донесе Одлука за утврдување статус на стратешки инвестициски проект на Друштво за производство на електрична енергија „ОСТРО СОЛАР“ – Скопје. Преку оваа компанија „Акуо Енерџи Сас Париз“ ќе ја реалзизира инвестицијата за изградба на „Соларен парк Стипион“.