Почна реновирањето на спортската сала во основното крушевско училиште „Никола Карев“

Во Крушево започна реконструкцијата на спортската сала при основното училиште „Никола Карев“.

Како што информираат од Општината проектот кој чини девет милиона денари, финансиран од Министерството за образование и наука, опфаќа реновирање на салата, на тоалетите и промена на целата покривна конструкција. Тоа ќе значи подобри услови за физичко образование и спорт за учениците и надминување на проблемите.

Според крушевскиот градоначалник Томе Христоски конечно ќе се надминат проблемите.

– Овој зафат ќе ги реши сите досегашни проблеми со покривот на салата. Старата покривна конструкција многу протекуваше, вели Христоски.