Костадинов најави мерки за подобрување на стандардот на граѓаните во идната година

Градоначалникот на Струмица,Костадин Костадинов денеска најави зголемување на дотацијата за секое новороденче од сегашните 3.000 денари на 6.000, а самохраните родители кои примаат плата помала од просечната ќе бидат целосно ослободени од плаќање за згрижување на нивните деца во градинките. Покрај тоа, ветува и еднократна финансиска помош за секое семејство кое ќе запише прваче во училиште.

Во објавата на Фејсбук вели дека во следниот период ќе је запознае јавноста за сите други мерки од кои директна корист ќе имаат граѓаните, а 2022-ра година најавува дека ќе биде посветена на многу проекти, активности и мерки со цел подобрување на секојдневието на струмичани.