Средношколците од Штипското медицинско училиште наставата ја следат онлајн

Учениците во Средното општинско училиште „Јане Сандански” од Штип од денеска наставата ја следат онлајн. Директорката на регионалното медицинско училиште, Маја Гичева вели дека причина е пукната главна цевка на парното греење. Според неа, станува збор за голем дефект и затоа 734 ученици наставата ја практикуваат од дома.

Главната артерија за парно затоплување во Штипското средно медицинско училиште во петокот откажа и тоа е причина што учениците од ова училиште првото полугодие ќе го завршат низ онлајн настава. Гичева вели дека е потребно време за да се санира дефектот на системот за парно греење кој е стар 36 години и досега воопшто не е саниран