Швајцарската Амбасада донираше противпожарно возило за градот Велес

Aмбасадорката на Швајцарија во Република Македонија, Вероник Улман заедно со претставници на УНДП денеска ја посети Општина Велес, каде што се сретна со градоначалникот Марко Колев и со претседателот на Советот на општината, Зоран Љутков.

Целта на посетата беше промовирање на реализираните активности во рамки на проектот „Зајакнување на општинските совети”, финансиран од Швајцарската агенција за развој и соработка, а имплементиран од УНДП.

На средбата се разговараше за постигнатите резултати за потранспарентна и поотворена општина, постигнати во рамките на проектот „Зајакнување на општинските совети“, како и за можностите за идна соработка, соопштија од швајцарската амбасада.

Се изврши и примопредавање на возило за потребите на Територијалната противпожарна единица во Велес.