Реализирана крводарителска акција во Гевгелија, собрани 45 единици крв

На јубилејната дваесетта по ред акција за крводарување што ја организираше фондацијата „Аполонија“ во соработка со службата за трансфузија при Општата болница од Гевгелија и општинската организација на Црвениот крст, беа собрани 45 единици крв.

Оваа хуманитарна крводарителска акција, фондацијата „Аполонија“, под мотото „Аполонија“ – ден на крводарување почна да ја организира од 2010 година и досега се одржува по два пати годишно.

-Во рамки на своите определби за континуирано подржување и помагање на активностите,што се дел од целокупното живеење на нашата локална и поширока заедница,фондацијата Аполонија се вклучи во остварувањето на крводарувањето како едно од најблагодарните човекови дејствувања.Секоја наредна акција ни е поуспешна од претходната и токму тоа ни дава право да останеме при определбата Гевгелија да биде хуман град, изјави Аце Ристовски,директор на фондацијата Аполонија.