Русија му изрече казна од 98 милиони долари на Гугл

Московскиот суд го казни Гугл со парична казна без преседан поради неуспехот да отстрани нелегална содржина, во момент кога руските власти го зајакнуваат притисокот врз странските технолошки гиганти.

Американската компанија е казнета со 7,2 милијарди рубљи (98 милиони долари), соопшти прес-службата на судот.

Русија неодамна воведе казни за најголемите технолошки компании во светот, обвинувајќи ги дека не ја модерираат правилно нивната содржина и се мешаат во работите на земјата. Сепак, казните што ги добија Мета (Фејсбук), Твитер, Гугл и други странски технолошки гиганти, изнесуваат десетици милиони рубљи, а не милијарди.

Паричната казна е пресметана како процент од годишниот приход на Гугл.

Мета, кој подоцна денеска ќе биде сослушана пред судот за истите обвиненија, се соочува и со парична казна по основ на приходи.