Колев: Се чистат наносите од дрва на мостот кај Башино село

Во тек е чистење на наносите од дрва на мостот кај Башино село, иформираше Градоначалникот на Велес, Марко Колев.

- Преку програмата за уредување на градежно земјиште се врши чистење на мостот во близина на Башино село.

Ова е редовна активност која е неопходна, за да се зачува стабилноста на објектот кој поврзува многу важна сообраќајница во непосредна близина на Велес.

Голема благодарност до ЗГ „Македонски спасител“, ТППЕ Велес, СВР Велес и оперативната фирма „Делта Пром“, додаде Колев.