Кадиров: Украина треба да биде присоединета кон Русија

Чеченскиот лидер Рамзан Кадиров изјави дека Украина треба да биде присоединета кон Русија доколку претседателот на земјата, Володимир Зеленски не го промени курсот на својата антируска политика.

На својата годишна прес-конференција, Кадиров истакна дека и Украинците се „руски народ“. Чеченија, која е предводена од Кадиров од 2007 година, е руска република во јужниот дел на земјата, и се граничи со Грузија.

– МОЕ ДЛАБОКО УБЕДУВАЊЕ Е ДЕКА ДОКОЛКУ ЗЕЛЕНСКИ И НЕГОВИОТ ТИМ СЕ ОДНЕСУВААТ НА ОВОЈ НАЧИН, УКРАИНА ТРЕБА ДА БИДЕ ПРИСОЕДИНЕТА КОН НАШАТА ЗЕМЈА. УКРАИНЦИТЕ СЕ НАШ НАРОД. ТОА Е НАША ТЕРИТОРИЈА. ТОА Е МОЕТО МИСЛЕЊЕ, НАГЛАСИ КАДИРОВ, ИСТАКНУВАЈЌИ ДЕКА ЌЕ БИДЕ ПОДГОТВЕН ДА ЗАПОЧНЕ ОФАНЗИВА ЗА „ПРИКЛУЧУВАЊЕ НА УКРАИНА КОН ЧЕЧЕНСКАТА РЕПУБЛИКА“ ДОКОЛКУ ДОБИЕ НАРЕДБА ЗА ТОА.

– Да ми беше доверено тоа, одамна ќе го решев, додаде Кадиров, нагласувајќи дека го изнесува своето лично мислење.

Тензиите на границата меѓу Русија и Украина и понатаму се зајакнати. Кремљ во изминатите неколку недели го зголемува присуството на војници на границата и планира инвазија, пишува Раша Тудеј.

Москва ги отфрли таквите обвинувања, а Кремљ постојано повторува дека не претставува закана за ниту една друга земја. Меѓутоа, Кадиров има сосема поинакво мислење и сака Русија воено да го реши проблемот со Украина.

Според Кадиров, рускиот претседател Владимир Путин мора да одбие странски земји да и ги диктираат условите на Москва, бидејќи „безбедноста на државата и народот“ е најважна работа, а борците од овој регион се „апсолутно подготвени да заминат и да извршат наредби без проблем“.