Театарска претстава ,,Новогодишна авантура” во Македонска Каменица

Во Домот на култура во Македонска Каменица денеска ќе се одигра детската театарска претстава „Новогодишна авантура“. За таа цел како што информираа организаторите предвидени се две претстави.

-Во соработка на Културно-информативниот центар „Романса“ и деветолетката „Св. Кирил и Методиј“ од Македонска Каменица, денес, среда (29 декември 2021) за учениците од прво до петто одделение, ќе бидат реализирани две изведби на театарската претстава со почеток од 12:00 часот, односно 13:00 часот, информираа од каменичкиот дом на култура.

Театарската претстава е во изведба на театарот „Златен Елец” кој ќе ја претстави приказната за малата Лена и одличната авантура со Дедо Мраз и помошниците Влечко и Сречко.

-Во рамки на овој проект, освен претставата за најмладата публика, во вечерните часови пред повозрасните каменичани ќе биде прикажан и настанот „ONE WOMEN COMEDY SHOW“ во изведба на Надица Петрова, додадоа организаторите.

Овој настан, каменичани ќе можат да го проследат со почеток од 19:00 часот.