Опремен нов кабинет по Природни науки во пехчевското училиште „Ванчо Китанов“

Опремен нов кабинет по природни науки во пехчевското училиште „Ванчо Китанов“.Кабинетот како што информираше директорката на училиштето Добрила Јовевска се обезбедени од Министерството за образование и наука и истиот е опремен со нови нагледни средства и инвентарот, специјално дизајниран за лабораторија и за полесно совладување на содржините по предметот Природни науки.

-Се работи за специјално дизајниран инвентар наменет за лабораторија по Природни науки, што ќе допринесе за поквалитетно и непречено изведување на наставата по овој предмет, за изведување на експерименти и подготовка на проекти, рече Јовевска.

За градоначалникот Александар Китански, преку оваа инвестиција кај учениците ќе се развива свесноста за важноста на животната средни и љубовта кон природните науки, а и ќе се едуцираат за воздухот, почвата и растенијата..

-Нашите ученици отсега полесно и побрзо ќе ја развиваат свесноста за важноста на животната средина и љубовта кон природните науки. Грижата за животната средина треба да се учи во образованието, затоа што така најдобро се поттикнуваат цели генерации на одговорност кон животната средина и нејзината заштита, рече Китански.

Донацијата од Министерство за образование и наука како што дополнија од училиштето е дел од Владината поддршка за унапредување на образовниот процес во основното образование, преку изучувањето на природните науки.