11 дена потрага: Хрватски полицајци испратени во Белград да помогнат во потрагата по исчезнатиот Матеј

Во Белград е испратен тим од претставници на хрватската полиција за да помогне во потрагата по исчезнатиот Матеј Периш од Сплит, изјави хрватскиот премиер Андреј Пленковиќ, јави дописникот на МИА од Белград.

-ШТО СЕ ОДНЕСУВА ДО ИСЧЕЗНАТИОТ МАТЕЈ ПЕРИШ, ПОБАРАВ ОД МИНИСТЕРОТ ЗА ВНАТРЕШНИ РАБОТИ ДАВОР БОЖИНОВИЌ ВО БЕЛГРАД ДА ИСПРАТИ ТИМ НА ПРЕТСТАВНИЦИ НА ХРВАТСКАТА ПОЛИЦИЈА, ТИЕ ДЕНЕСКА СЕ НА ПАТ ЗА БЕЛГРАД, ИЗЈАВИ ПЛЕНКОВИЌ ВО СПЛИТ, ПРЕНЕСУВА N1.

Тој додаде дека постојано се работи на две патеки, едната се директни разговори меѓу полицијата, а другата се политичко-конзуларни активности што ги води Хрватската амбасада во Белград.

-И ЗАТОА САКАМЕ ЗА ДОСЕГАШНИТЕ НАПОРИ ДА ИМ СЕ ЗАБЛАГОДАРИМЕ НА ПОЛИЦИЈАТА ВО БЕЛГРАД И НА СИТЕ КОИ СЕ ЗАНИМАВААТ СО ОВАА ТЕМА, А НА ОВОЈ НАЧИН САКАМЕ ДА ДАДЕМЕ ДОПОЛНИТЕЛЕН АКЦЕНТ И ЗАЕДНИЧКИ ПРИДОНЕС НА СИТЕ ДОСЕГАШНИ АКТИВНОСТИ ВО ПОТРАГАТА. ПРАВИМЕ СЕ ШТО Е ОДГОВОРНО И ПРЕСУДНО ЗА ЗАШТИТА НА НАШИОТ ДРЖАВЈАНИН, МОМЧЕТО ОД СПЛИТ, КОЈ ОТИДЕ ВО БЕЛГРАД И ЗА ЖАЛ СÈ УШТЕ Е ИСЧЕЗНАТ, ИЗЈАВИ ХРВАТСКИОТ ПРЕМИЕР.

Пленковиќ се осврна и на изјавите на српскиот министер за внатрешни работи Александар Вулин.

-НЕМА ТУКА НИШТО. ТОА ШТО ГО КАЖАВ, КАКО И СЕКОГАШ, НЕКОЈ НЕКАДЕ ГО СКРАТИЛ, ГО СТАВИЛ ВО НЕКАКОВ НАСЛОВ КОЈ НЕМА ВРСКА СО СУШТИНАТА. ОНА ШТО Е КЛУЧНО И ВАЖНО Е СЕМЕЈСТВОТО НА МАТЕЈ ПЕРИШ И ЈАВНОСТА ДА ЈА ДОБИЈАТ ЦЕЛАТА СЛИКА, ВО ОВОЈ МОМЕНТ СÈ УШТЕ ЈА НЕМАМЕ ЦЕЛАТА СЛИКА, НАГЛАСИ ПЛЕНКОВИЌ.

Потрагата по 27-годишниот Матеј Периш од Сплит, кој исчезна во Белград, влезе во 11-ти ден, а засега нема информации за тоа што се случило ноќта меѓу 30 и 31 декември кога последен пат бил виден.