Североисточниот дел од САД погоден од ниски температури

Поради ниските температури на воздухот во североисточниот дел на САД затворени се голем број училишта.

Училиштата во Бостон, во американската сојузна држава Масачусетс се затворени бидејќи температурата на воздухот е минус 11 степени Целзиусови, а поради ветерот се чувствуваа минус 22.

Според метеоролозите и во Њујорк се очекуваат ниски температури дури до минус 26 степени.

Ниски температури и до минус 30 степени и минус 40 степени Целзиусови се очекуваат и во сојузните држави Вермонт, Њу Хемпшир, Роуд Ајланд и во Мејн.