Ватикан ги прошири рестриктивните мерки, отсега се однесуваат и на Систинската капела

Ватикан денеска ги прошири своите рестриктивни мерки воведени поради коронавирусот и отсега тие се однесуваат и на Систинската капела.

„Секој што сака да го посети тој дел од ватиканската палата, познат по фреските на Микеланџело, ќе мора да приложи доказ за вакцинација или прележаност на Ковид-19“, соопшти Светата столица.

Ова правило беше воведено на 10 јануари во ватиканските музеи, градините и во летната папска резиденција Кастел Гандолфо.

„Вработените во Ватикан сега мора да носат заштитни маски ФФП2“, се вели во соопштението.

Ватикан ги заснова своите ограничувања на правилата воведени од италијанската Влада.