Шмит: Ако не го исполни ветувањето кон Вучиќ, Додик ќе биде во тешка ситуација

Меѓународниот пратеник за мир на Босна и Херцеговина, Кристијан Шмит / Фото: EPA-EFE/FEHIM DEMIR Високиот претставник во БиХ Кристијан Шмит изјави дека српскиот член на Претседателството на БиХ и лидер на владејачкиот Сојуз на независни социјалдемократи (СНСД) донел одлука за деблокирање на работата на БиХ. институции, пренесува Бета.

– Додик донесе одлука да се врати во институциите, ако не го исполни тоа што му го вети на (српскиот претседател Александар), Вучиќ, ќе биде во тешка ситуација, изјави Шмит за сараевската телевизија „Фејс”.

Тој додаде дека „бонските овластувања” се уште се во фиока, додавајќи дека неговите овластувања не се само за да отстрани некого од функцијата и дека „Додик тоа го знае”.

– Се знае како Додик е доведен на власт. Се што е насочено против Дејтон ќе биде санкционирано. Меѓународната заедница, ЕУ, САД и високиот претставник се на иста страна, нагласи Шмит.

Тој понатаму рече дека „не е прашање каква зделка ќе се направи со Додик”, туку се работи за тоа што тој „мора да седне и да си ја работи работата”.

– Не ми треба признанието на Додик. Иако не зборува со мене, Додик постојано зборува за мене. Не сум му безначаен. Мораме да работиме на тоа иднината во БиХ да се одвива без Додик. На Додик не треба повеќе да се смета, истакна Високиот.претставник во БиХ.