Бугарија: Министерскиот совет в понеделник ќе одлучува за ротација на воени авиони од Шпанија и од Холандија

Министерскиот совет в понеделник ќе одлучува за ротација на воени авиони од Шпанија и од Холандија. Тоа го изјави министерот за одбрана на Бугарија Стефан Јанев во врска со тензиите во Црното Море и вчерашното барање на Русија за повлекување на војниците на НАТО од Бугарија.

– НЕ САКАМ ДА ОСТАВАМ ВПЕЧАТОК НА БУГАРСКИТЕ ГРАЃАНИ ДЕКА ВЧЕРА СЕ СЛУЧИ НЕШТО ПОСЕБНО, ДЕКА НЕКОЈ КОНКРЕТНО ПОКАЖАЛ СО ПРСТ КОН БУГАРИЈА И ДАЛ ПОСЕБНА ИЗЈАВА. РЕДОВНО СЕ ДАВААТ ВАКВИ ИЗЈАВИ И МИСЛАМ ДЕКА НЕ ТРЕБА ДА БИДЕМЕ ТОЛКУ ЧУВСТВИТЕЛНИ КОГА НЕКОЈ ЗБОРУВА ЗА НАС, ИЗЈАВИ ЈАНЕВ.

Поранешниот привремен премиер посочи и дека Шпанија и Холандија ќе испратат авиони-ловци во Бугарија за да го заштитат бугарското небо.

– ВАКОВ ТИП НА ВЕЖБИ И ТРЕНИНЗИ ПОСТОЕЛЕ И ВО МИНАТОТО, РЕЧЕ МИНИСТЕРОТ.

Според него, обврските што ги има како министер за одбрана ќе бидат во согласност со бугарскиот национален интерес.

– ВО ТАА СМИСЛА, ПОДГОТОВКАТА НА ВОЕНО ПРИСУСТВО, ПОДГОТОВКАТА ЗА НАТАМОШНО ЗАЈАКНУВАЊЕ НА ОВА ВОЕНО ПРИСУСТВО, ДЕМОНСТРАЦИЈАТА НА ЕДИНСТВОТО И СОЛИДАРНОСТА НА НАТО НА БУГАРСКА ТЕРИТОРИЈА, ЌЕ СЕ НАПРАВИ ДОКОЛКУ Е ПОТРЕБНО И ПРИ ДОНЕСУВАЊЕ ПОЛИТИЧКА ОДЛУКА СО БУГАРСКИТЕ ВООРУЖЕНИ СИЛИ.

Бугарскиот премиер Кирил Петков изјави дека не верува во зони на влијание и дека е многу важно малите земји, како што е Бугарија, да имаат целосни овластувања сами да одлучуваат за својата судбина и за своето членство и што се случува на нивните територии.

-БУГАРСКИОТ СУВЕРЕНИТЕТ ГО СТАВАМЕ НАД СЕ, ИЗЈАВИ ТОЈ КАКО ОДГОВОР НА ПРАШАЊЕТО ЗА ИНСИСТИРАЊЕТО НА РУСИЈА ЗА ПОВЛЕКУВАЊЕ НА СИЛИТЕ НА НАТО ОД БУГАРИЈА И КАКО ТОЈ ЈА ТОЛКУВА ТАА ПОРАКА.

-Од собраниската говорница вчера се јавив дека ваквиот тип на реторика не помага да се отстрани ескалацијата и тензијата, рече премиерот. Според него, секој треба многу внимателно да ги оцени нивните изјави за да бидеме сигурни дека деескалацијата е начин, а не нешто друго.

– ОНА ШТО ГО КАЖАВ ВЧЕРА Е ДЕКА НЕ ПОСТОЈАТ ДВЕ КАТЕГОРИИ ЧЛЕНКИ НА НАТО. СЕКОЈА ДИСКУСИЈА ДЕКА ЕДНИ ЧЛЕНОВИ ТРЕБА ДА ПРАВАТ ЕДНО, А ДРУГИ – ДРУГО, СЕ ВО ПОГРЕШНА НАСОКА И НИЕ НЕ ОДОБРУВАМЕ ВАКОВ ТИП НА ДИСКУСИЈА, РЕЧЕ ПЕТКОВ.

Премиерот на БУгарија потврди дека доцна синоќа разговарал со министерот за одбрана Стефан Јанев, со кого детално разговарале на темата.

– ПРОДОЛЖУВАМЕ ЈАСНО ДА СТАВАМЕ ДО ЗНАЕЊЕ ДЕКА ДЕЕСКАЛАЦИЈАТА НА ТЕНЗИИТЕ Е ВРВЕН ПРИОРИТЕТ ЗА БУГАРИЈА, РЕЧЕ ПЕТКОВ

-ВО МОМЕНТОВ СЕ РАЗГЛЕДУВААТ РАЗЛИЧНИ ОПЦИИ, СЕКОЈА ОДЛУКА ЌЕ СЕ НОСИ НА НИВО НА МИНИСТЕРСКИ СОВЕТ, НО ДОБРОТО Е ШТО ИМА ОПЦИИ ЗА КОИ МОМЕНТАЛНО СЕ РАЗГОВАРА, РЕЧЕ ПРЕМИЕРОТ, ЗАПРАШАН ЗА ПОДДРШКАТА НА БУГАРИЈА ОД ШПАНИЈА И ХОЛАНДИЈА.