Околу 40 оштетени сателити навлегуваат во орбитата на Земјата

Геомагнетната бура сериозно оштети 40 од 49 микросателити поврзани со „СтарЛинк" (StarLink) во сопственост на „Спејс Икс" (SpaceX), лансирани во орбитата на Земјата на 3 февруари.

Поради тоа тие неконтролирано се спуштаат од орбитата и може да навлезат во атмосферата, соопшти компанијата што е во сопственост на Илон Маск.

Прелиминарните анализи покажуваат дека зголемениот отпор на мали височини ги спречил сателитите да влезат во орбитата, а до 40 сателити повторно ќе влезат или веќе влегле во атмосферата на Земјата, соопшти „СпејсИкс".

Сателитите што минатата недела беа лансирани беа распоредени во орбита на само 210 километри над Земјата.