ЕУ: Москва е одговорна за неоправданиот напад врз Украина

Европската унија ја смета Москва за одговорна за „неоправданиот“ напад врз Украина, нагласи денеска претседателката на Европската комисија Урсула фон дер Лајен.

„Во овие темни часови, нашите мисли се со Украина и со невините жени, мажи и деца кои се соочуваат со овој, неиспровоциран напад и кои се плашат за своите животи“, објави таа на Твитер.

„Ќе бараме одговорност од Кремљ“.

Лидерите на ЕУ треба да одржат итен самит во Брисел денеска, откако вчера стапи на сила првиот пакет санкции на ЕУ против Русија.