Северна Кореја употреби нови балистички интерконтинентални ракети

Северна Кореја употреби нови балистички интерконтинентални ракети во претходните два теста, со можна намера да ги претстави како лансирање на вселенски брод, соопшти Сеул.

Севернокорејскиот лидер Ким Џонг Ун повика на проширување на станицата за лансирање интерконтинентални балистички ракети.

Тоа ќе биде „ултрамодерна, напредна” база, која ќе се користи за вселенски цели, јави севернокорејската новинска агенција КЦНА.