Приведен крадец од Скопје, расчистена „тешка кражба“

Полициски службеници од Одделението за криминалистички работи Кисела Вода во рамки на Единицата за внатрешни работи Кисела Вода при СВР Скопје вчера во 15.20 часот во Скопје го лишиле од слобода Д.Д.(22) од Скопје, за кого била распишана потерница, со која се барал поради постоење основано сомнение дека сторил кривично дело „тешка кражба“, казниво по чл.236 од Кривичниот законик, соопшти Министерството за внтрешни работи.

Тој на 22/23.05.2021 од чамец на езерото Козјак одзел мотор, разна риболовна опрема и други предмети, стекнувајќи се со противправна имотна корист.

Д.Д. бил приведен во полициска станица, со него бил извршен службен разговор и во координација со јавен обвинител, по целосно документирање на случајот против него ќе биде поднесена кривична пријава по член 236 од Кривичниот законик, информираат од МВР.