Полициски час во главниот град на Шри Ланка

Полицијата воведе неопределен полициски час во главниот град на Шри Ланка, откако приврзаниците на владата влегоа во судир со демонстрантите кои бараа оставка од претседателот Готабаја Раџапакса.

Според официјалните податоци, најмалку 20 лица се повредени. Поддржувачите лојални на Раџапакса, вооружени со палки, нападнаа невооружени демонстранти кои кампуваат пред претседателската администрација од 9 април.

Полицијата употреби солзавец и водени топови кон приврзаниците на владата кои ги пробија полициските траки за да ги отстранат шаторите поставени од антивладините демонстранти.