Француските синдикати воздржани околу назначувањето на Елизабет Борн за претседателка на француската влада

„Таа слуша, но не слуша“ е коментарот на Филип Мартинез, првиот човек на синдикатот СЖТ, но и на повеќето претставници на другите синдикати, кои ја оценуваат новата премиерка Елизабет Борн. Според нив таа била отворена за дискусија, но честопати премногу неволна да отстапи од нејзината линија, јави дописникот на МИА.

„Имав средби со неа кога беше министерка за труд. Некогаш е груба во конфронтацијата. Несомнено ќе биде неопходно да направи напор да слуша и да покаже повеќе подготвеност за заедничка работа“, подвлече генералниот секретар на ЦФДТ, Лоран Берже.

За Ив Вејриер, неговиот колега во ФО, „таа е тешка во бизнисот“.

„Ја измеривме реформата за осигурувањето за невработеност. Таа ја наметна против сите наши аргументи. Петте конфедерации беа против оваа реформа. Таа (…) добро ги знае нејзините досиеја и тешко е да се убеди”, подвлече тој.

За Ив Вејриер, Борн е како оние „големи државни службеници кои, кога ќе се уверат во основаноста на нивната одлука, им е тешко да разберат, да слушнат дека можеме да имаме други гледишта и дека заслужуваат да бидат слушнати.

Само еден ден по назначувањето широката коалиција на синдикати на јавните служби ја интерпелираа новата премиерка Елизабет Борн во отворено писмо, повикувајќи ја да ги зголеми платите и да се откаже од зголемувањето на законската возраст за пензионирање.

„На самиот почеток на петгодишниот мандат, нашите синдикални организации од јавниот сервис веруваат дека важни мерки мора да се преземат без одлагање“, пишуваат синдикатите писмото упатено и до претседателот Емануел Макрон.

Првата итност е онаа на платите и куповната моќ, велат осумте синдикати, два месеци по најавата за генерално зголемување на платите „пред летото“ од страна на министерката за јавна служба Амели де Моншалин.

„Индексната точка [заедничката основа за наградување за 5,7 милиони јавни службеници] мора силно да се ревалоризира и што е можно поскоро“, додаваат тие.