Претседателот на Индонезија отпатува во Кина на средба со Си Џинпинг

Индонезискиот претседател Џоко Видодо денеска отпатува за Кина на разговори со кинескиот претседател Си Џинпинг, како дел од серијата посети на азиските земји-членки на групата Г-20.

Видодо, кој во ноември ќе биде домаќин на самитот Г-20 на индустријализираните земји во светот, утре ќе разговара со кинескиот претседател Си и премиерот Ли Кечијанг, а следниот ден ќе отпатува за Јапонија на средба со премиерот на земјата Фумија Кишида.

Ден потоа Видодо ќе ја посети Јужна Кореја на разговори со претседателот Јун Сук-Јул.

Кина, Јапонија, Јужна Кореја и Индонезија се земји членки на Г-20.

Аналитичарите проценуваат дека кинескиот претседател Си, кој учествува на меѓународни состаноци преку видео врска од почетокот на пандемијата на коронавирусот, овојпат би можел лично да присуствува на самитот на Г-20.