Излезни анкети: Во Тунис 92 до 93 отсто гласаа за новиот Устав

Огромно мнозинство од 92 до 93 отсто гласаа за новиот туниски Устав, изјави директорот на институтот Сигма Консеил врз основа на излезните анкети, што ризикува да ја врати земјата, колевката на Арапската пролет, во авторитарен режим.

Овој контроверзен нов закон наметнат од претседателот Каис Сајед му дава на шефот на државата широки овластувања и се одвојува од парламентарниот систем што е во сила од 2014 година.

Излезноста, која беше важен фактор поради бојкотот на главните опозициски партии, според изборната администрација, изнесува 27,54 отсто од запишаните 9,3 милиони гласачи. За споредба, на последните парламентарни избори во 2019 година излегле 32 отсто од гласачите. Според Институтот Сигма Консеј, меѓу 1,8 и 1,9 милиони луѓе го следеле повикот за бојкот испратен од главните партии кои се спротивставија на Сајед, верувајќи дека уставот ја турка земјата кон диктатура.