Американската потпретседателка Камала Харис ќе присуствува на државниот погреб на поранешниот јапонски премиер Шинѕо Абе, што ќе биде организиран на 27 септември, пренесува јапонското издание Никеи.
За време на оваа посета се очекува Харис да се сретне со јапонскиот премиер Фумио Кишида. Ова ќе биде нејзина прва посета на Јапонија во улога на потпретседателка на САД.
Претходно беше објавено дека на државниот погреб на Абе може да присуствуваат и францускиот претседател Емануел Макрон, поранешната германска канцеларка Ангела Меркел и поранешниот американски претседател Барак Обама.
Државниот погреб ќе се одржи во салата за боречки вештини во Токио, недалеку од Царската палата. Се очекува да присуствуваат многу странски делегации.
Шинѕо Абе беше убиен на 8 јули за време на предизборен митинг.