Петмина загинати, 60 повредени во експлозијата во трговскиот центар во Ереван

Бројот на жртвите од вчерашната експлозија во трговскиот центар во ерменскиот главен град Ереван во неделата достигна пет, откако спасувачите пронајдоа уште две тела во урнатините на една од зградите, соопшти ерменското Министерство за вонредни состојби.

Според првичните информации на Министерството, најмалку едно лице загина, а над 20 се повредени.

Локалните медиуми пишуваат дека се стравува дека голем број луѓе се затрупани по силната експлозија и дека бројот на настрадани само ќе се зголемува.