Стефковски: Ги поканувам граѓаните на голем музички настан по повод 8-ми Септември - Ден на независноста на Македонија

Општина Гази Баба по повод 8ми Септември, Денот на независноста на Македонија организира голем музички настан. Настанот ќе се оддржи на 07.09.2022 година со почеток од 20:00 часот на плоштадот во Автокоманда. На настанот ќе настапат: Некст Тајм, Ламбе Алабаковски, Бојана Скендеровски и Влатко Миладиновски.

Утрово на својата официјална страна на фејсбук, градоначалникот Бобан Стефковски објави покана до сите граѓани од Гази Баба, Скопје и цела Македонија. Во својата објава градоначалникот Стефковски пишува:

Минато, сегашност и иднина тоа е нашата Македонија! Ги повикувам сите жители на општина Гази Баба, Скопје и цела Македонија на сенароден собир во чест на независноста на Македонија! Честа да бидам покровител на еден ваков настан за мене е голема, но уште поголема е одговорноста бидејќи Македонија ја слави независноста. Овој голем настан ќе прерасне во една традиција која и доликува на Гази Баба. 07.09.2022 година (среда) 20:00 часот Плоштад Автокоманда За нашата Македонија! - напиша Стефковски.