Сирски: При назначувањето команданти во украинската армија предност имаат младите офицери

Врховниот командант на украинската армија Олександр Сирски денеска изјави дека при назначувањето на команданти во армијата, предност им се дава на младите офицери со борбено искуство, пренесе Укринформ.

„Ги слушав командантите на корпусот во однос на процедурата за спроведување на приоритетните мерки за формирање на корпус дивизии. При назначувањето на командантите на корпусот приоритет имаа млади перспективни офицери кои веќе имаат доволно борбено искуство и кои се истакнале со ефективни акции на чело на бригадите“, рече Сирски по месечниот работен состанок на воените лидери.

Како што се наведува, тој наредил итно решавање на најпроблематичните прашања.

Сирски рече дека украинската армија мора да стане поефикасна, модерна и помоќна за да „опстои и победи“.

Украинскиот претседател Володимир Зеленски претходно изјави дека Украина ќе мора двојно да ја зголеми армијата на 1,5 милиони луѓе доколку не може да се приклучи на НАТО