Кевин Принс Боатенг го потврдил трансферот во Барселона. Интернационалецот од Гана оди на изнајмување и треба да пристигне во Шпанија подоцна денес и од утре веќе да биде играч на Барса.

Легендата на Манчестер Јунајтед, Пол Сколс преговара со раководството на Олдам. Тој може да ја преземе менаџерска позиција во клубот, информира британскиот печат.

Играчот од средниот ред на Манчестер Јунајтед, Скот Мектомини потпиша нов договор со клубот.

Тимот на Милан ја надигра Џенова со 2:0 како гостин во средба од 20-тото коло на Серија „А“. Погодоците за „росонерите“ ги реализираа Фабио Борини во 72-та и Сусо во 83-тата минута.

Поранешниот англиски репрезентативец Ешли Кол ќе го финализира трансферот во Дерби Каунти до средината на неделата, објави „Скај Спортс“. Се очекува тој да потпише шестмесечен договор со „овните“, каде ќе заигра за својот поранешен соиграч во Челзи и сегашен менаџер на тимот од Чемпионшип дивизијата – Френк Лампард.

За време на својот престој во Манчестер Јунајтед, Златан Ибрахимовиќ стана близок со најскапиот играч во историјата на „црвените ѓаволи“, Пол Погба. Францускиот играч од средниот ред даваше одлични асистенции, а Швеѓанецот лесно ги претвореше во голови. И тоа беше во нивната дебитантска сезона.

Трансферот на Алваро Мората од Челзи во Атлетико Мадрид се очекува да биде финализиран во следните неколку часа. Семејството на играчот вчера пристигнало во главниот град на Шпанија.

Официјалните лица на Арсенал го контактирале Реал Мадрид за можноста „топџиите“ да го ангажираат Хамес Родригез, вели „Индепендент“.

Напаѓачот на Барселона, Усман Дембеле ќе отсуствува од фудбалските терени следните петнаесетина дена поради повреда на зглобот, информира прес-службата на клубот.

Капитенот на Интер, Мауро Икарди преговара со клубот за продолжување на договорот. Според „Калчомеркато“ раководството на клубот е подготвено да му понуди годишна плата од шест милиони евра, додека Аргентинецот бара 7,5 милиони по сезона.