Движењето БЕСА вечерва обвини за низа неправилности во текот на денешното гласање за вториот круг од локалните избори, кое, спроед нив, се одвивало во тензична атмосфера.

Оценката на ДУИ е дека изборите беа демократски, а граѓаните слободно ја изразија својата волја, изјави шефот на изборниот штаб на партијата Арбр Адеми по затворањето на гласачките места во вториот круг од локАлните избори.

Лидерот на ВМРО-ДПМНЕ Никола Груевски кој денеска го оствари своето гласачко право во вториот круг од локалните избори, обвини за, како што рече, недемократска атмосфера и системски закани и уцени врз граѓаните.

Претседателот на Собранието на Република Македонија, Талат Џафери, по гласањето во родното Форино, гостиварско, даде изјава за медиумите во која на граѓаните им честита на како што рече европскиот начин на гласање.

Лидерот на движењето Беса, Биљал Касами, по гласањето на избирачко место во гимназијата „Кирил Пејчиновиќ“ во Тетово изјави дека во вториот круг гласачите имаат можност да изберат локална власт што ќе работи за нивниот интерес.

Во 19 часот се затворени избирачките места на кои граѓаните можеа да гласаат на вториот круг од шестите локални избори во Република Македонија. По затворањето на избирачките места можат да гласаат само лицата кои во тој момент се затекнале во објектот каде што се гласа.

Граѓанската асоцијација „Мост“ на последната прес-конференција информирапе дека на вториот круг на локалните избори нивните набљудувачи забележале непочитување на постапката на гласање, присуство на неовластени лица и фотографирање гласачко ливче.

Семејно гласање во општина Шуто Оризари, нефункционирање на УВ-ламбата на неколку избирачки места, како и фотографирање на избирачките ливчиња, забележале набљудувачите на граѓанската асицијација „Мост“ до 17 часот.

Во скопската општина Чаир приведени се две лица на возраст од 46 и 24 години поради сомнение за кривичното дело поткуп при избори и гласање.

Според партијата на Билал Касами, припадници на единицата Алфа, без причина во Чаир го запреле и го претресувале возилото на Меритон Чивули шефот на изборниот штаб на движењето Беса.