Кандидатот за градоначалник на Град Скопје од ВМРО-ДПМНЕ и Коалицијата „За подобра Македонија” Коце Трајановски денеска гласаше на избирачкото место 2489 во во просториите на урбаната заедница Автокоманда.

Претседателот на Собранието на Република Македонија, Таљат Џафери посака овие избори да поминат мирно како и предизборната кампања, а денешниот ден да биде празничен.

Министерот за внатрешни работи, Оливер Спасовски денеска откако го оствари своето право на глас изјави дека денеска е важен ден за Република Македонија и дека граѓаните треба слободно да ја изразат својата волја.

Една третина од избирачите и мнозинство Правилата за избор на градоначалник се пропишани во Изборниот законик. Уште вечерва, во првиот круг од гласањето за градоначалник е избран кандидатот кој добил мнозинство гласови од избирачите кои гласале.

Излезноста на гласањето до 17 часот на територија на Република Македонија според податоците што ги објави ДИК изнесува 49,14 проценти.

Набљудувачите и регионалните канцеларии на МОСТ на денешното гласање забележале непочитување на постапката на гласање и реакција од страна на избирачките одбори на 10 гласачки места.

Регистриран е обид за физичка пресметка меѓу гласач и член на избирачки одбор. И.М (71) дошол да гласа, и откако ја приложил личната карта во тој момент С.С. (34) член на избирачкиот одбор, поради нарушени меѓусебни односи, му ја фрлил личната карта по што И.М. физички го нападнал.

На избирачкото место 2884 во Чаир на еден гласач ненамерно му биле дадени две исти ливчиња, што било забележано од изборната комисија и било прекинато гласањето.

Во полициската станица во Ѓорче Петров било приведено лицето Д.С. бидејќи го фотографирал гласачкото ливче.

До 14 часот нема регистрирани посериозни нарушувања на јавниот ред и мир во текот на изборите, соопшти Министерството за внатрешни работи.