Државната изборна комисија (ДИК) ги продолжува подготовките за претстојниот референдум на 30 септември, а јавната пропаганда се интензивира и на терен меѓу граѓаните, но и на социјалните мрежи.

Франција преку пораките на претседателот Емануел Макрон, почесниот амбасадор Ален Ле Роа и амбасадорот на оваа земја во Македонија Кристијан Тимоние во изминатите денови искажаа поддршка за европската интеграција на земјата, повикувајќи ги граѓаните да гласаат на претстојниот референдум на 30 септември.

Конечно никој повеќе во светот нема да не спори, нема да не навредува и нема да не понижува. Никогаш повеќе ФИРОМ. Веќе сме Македонци со македонски народ, македонски јазик, истакна премиерот и лидер на СДСМ Зоран Заев на вечерашната трибина на Коалицијата „Излези за европска Македонија“ што се одржа на Плоштадот во Радовиш.

Целиот свет ни дава максимална поддршка и затоа сега е моментот да одлучиме дали сме дел од светот или не. Договорот со Грција го гарантира нашиот идентитет, нашиот јазик, нашата националност, и затоа направивме компромис, рече премиерот и претседател на СДСМ Зоран Заев на трибината во Богданци која се одржа во рамки на кампањата „Излези за европска Македонија“.

Францускиот претседател Емануел Макрон преку видео порака им се обрати на македонските граѓани во пресрет на референдумот. Во неа тој вели дека договорот со Грција овозможува иднина за земјата и оти верува во мудроста на граѓаните.

Членството во НАТО и ЕУ е важно и за влез на ново инвестиции во земјава, вклучително и во земјоделството, посочи Николовски.

Нема план „Б“, потребна е поддршка на референдумот со кој се приближуваме до НАТО и ЕУ, рече лидерот на ДУИ Али Ахмети на попладневната средба со жителите на Куманово.

Штабот за референдумот на Демократската Унија за Интеграција во соработка со Здружението на лекари Албанци во Македонија и Комората на лекари на Македонија, во Тетово организираа дебатен панел на тема: „Предизвиците на здравствениот систем во насока на Европската интеграција.

Како ретко кога во историјата сега се зависи од нас за нашата иднина. По 27 години го најдовме патот до Европа и како Македонци ќе влеземе во НАТО и како Македонци ќе чекориме во ЕУ, нагласи министерот за надворешни работи Никола Димитров на денешната трибина во центарот на Прилеп, пред Градскиот саат на трибината пред прилепчани насловена „Излези за европска Македонија“, нагласувајќи ги придобивките од влезот во НАТО и ЕУ.

Во Општинската изборна комисија (ОИК) - Штип денеска до пладне се пријавиле вкупно 15 болни и инвалидизирани лица да гласаат дома, еден ден пред Референдумот 2018.