САД даваат силна поддршка на историскиот Договор од Преспа што ќе и го отвори патот на Македонија за членство во НАТО и ЕУ, ќе ја зацврсти безбедноста на целиот регион и ќе овзоможи економски просперитет. Затоа е многу важно во овој критичен момент за иднината на државата, граѓаните да излезат и да гласаат на референдумот на 30 септември, порача американскиот потрпетседател Мајк Пенс на синоќешната средба во Белата куќа со македонскиот премиер Зоран Заев.

Важно е да имаме успешен референдум што ќе ни овозможи да ја подобриме економијата, рече вечерва пред жителите на кумановската населба Карпош, министерот за финансии Драган Тевдвоски.

Претседателот на ВМРО-ДПМНЕ, Христијан Мицкоски денес (20 септември 2018-та година) оствари средба со европратениците Едуард Кукан и Кнут Флекенштајн.

Евроатлантскиот интегративен процес на Република Македонија и претстојниот референдум беа во фокусот на денешната средба на заменик-министерот за надворешни работи Андреј Жерновски со Ален Ле Роа, француски амбасадор и поранешен специјален пратеник на ЕУ во земјата.

Претседателот на албанскиот парламент, Грамоз Ручи ги повика Албанците во Македонија масовно да излезат и да гласаат „за“ на референдумот што ќе се одржи на 30 септември.

Посветени сме на успехот зашто интеграцијата на Македонија во евроатланските структури е апсолутен приоритет на сите граѓани и носи мир, безбедност, стабилност, но и економски развој, рече претседателот на ДУИ Али Ахмети на денешната средба со поранешниот генерален секретар на НАТО и поранешен министер за одбрана на Велика Британија, лорд Џорџ Робертсон.

Министерот без ресор Аксел Ахмедовски, пратеникот и претседателот на Партијата за целосна еманципација на Ромите, Самка Ибраимовски и претседателот на општинската организација Севџан Сулејмановски, ги повикаа граѓаните на Куманово да гласаат „за“, на престојниот референдум.

Австрискиот канцелар Себастијан Курц денеска преку видео порака повторно ги повика граѓаните на Македонија да излезат на гласање на референдумот на 30 септември.

Сигурен сум дека ќе има мнозинство во грчкиот Парламент што ќе гласа за Договорот од Преспа, изјави денеска потпретседателот на Европскиот парламент и шеф на еврогрупата на СИРИЗА, Димитрис Пападимуилис, на прес-конференција по завршување на Мешовитиот парламентарен комитет МК-ЕУ во Собранието на Република Македонија.

Претседателот на НСДП, Тито Петковски и потпретседателката на партијата и министерка задолжен за странски инвестиции во Владата на Република Македонија, Зорица Апостолска вчера во Охрид остварија средба со раководствата на општинските организации на партијата од петата изборна единица.