Според првичните податоци што ги објави Државната изборна комисија (ДИК) на својата веб страница од обработени 50 проценти од избирачките места, „за“ на референдумското прашање се изјасниле 90,81 отсто, а „против“ се 6,18 проценти.

Пред околу илјада граѓани движењето Бојкотирам вечерва го слави неуспешниот референдум со кој, според нив, се зачува идентитетот на Македонците.

Еврокомесарот за проширување Јоханес Хан прв се огласи во Брисел за исходот од референдум, оценувајќи дека гласовите “за“ на референдумот се значајни и со тоа се дава поддршка на Договорот од Преспа, јави дописничката на МИА од Брисел.

До 19 часот евидентирани се 20 случаи на прекршување на избирачкото право или нарушување на јавниот ред и мир за време на гласањето на денешниот референдум, информира на вечерашната прес-конференција портпаролот на МВР, Тони Ангеловски.

Според првичните податоци што ги објави Државната изборна комисија (ДИК) на својата веб страница од обработени 30 проценти од избирачките места, „за“ на референдумското прашање се изјасниле 90,94 проценти, а „против“ се 6,13 проценти.

Запрашан дали ќе прифати предвремени парламентарни избори Мицковски кажа дека Заев не треба да бара предвремни парламентарни избори туку подобро му е да се подготвува за политичка пензија.

Лидерот на ВМРО-ДПМНЕ Христијан Мицковски вечерва од штабот на партијата изјави дека граѓаните кои гласале „против“ на референдумот и оние кои не излегле на гласање ја испратиле најгласната порака дека „Ова е Македонија“.

На прашање што ако не се реализираат уставните измени, дали ДУИ е за предвремени парламентарни избори, Ахмети рече Македонија има многу поважни работи отколку предвремени парламентарни избори.

Симболична е бројката на пријави пристигнати до привремената комисија формирана од Јавното обвинителство на РМ за евентуално противправности при спроведувањето на референдумот.

Претседателот на Собранието на Република Македонија Талат Џафери вечерва на граѓаните и институциите им честита за спроведеното гласање без ниту еден инцидент и со мирен и демократски процес на гласање.