Од денеска официјално почнува кампањата за претстојниот референдум на кој граѓаните на 30 септември треба да се изјаснат дали се за членство во ЕУ и НАТО со прифаќање на договорот меѓу Македонија и Грција.

Претседателот на Владата, Зоран Заев вечерва на трибината во Ресен повторно ја повика опозициската ВМРО - ДПМНЕ како и оние што сеуште не одлучиле да излезат на 30 септември да го поддржат референдумот за влез на Македонија во Европската унија и НАТО.

На трибината организирана пред платото на Споменикот на револуцијата, Ременски рече дека со излегувањето на референдумот граѓаните ќе се кажат каква иднина сакаат за себе и своите деца и оти ќе придонесат да се отвори евроатланскиот пат на државата.

Пред 27 години граѓните на референдум се изборија за независност, сувереност и државност. Денес ние како генерација имаме историска можност исто така на референдум да се избориме за европска иднина, за нас и за следните генерации, порача денеска пред кичевчани министерот за внатрешни работи Оливер Спасовски.

Триесетти септември е историски момент и ден на историска одлука што самите граѓани треба да ја донесат, онака како што на 8 септeмври 1991 година, таа генерација, која тогаш можеше да одлучува на референдумот, одлучи не само за себе, туку за нас кои не можевме во тоа време да гласаме.

Министри, заменици министри, државни секретари, пратеници и други носители на јавни функции од ДУИ предводени од вицепремиерот за европски прашања Бујар Османи денеска беа дел од караванот „Твојот глас“ во општина Теарце. Тие секој во својот ресор одговараа на прашањата и проблемите кои директно им ги посочуваа жители на оваа општина во тетовско.

Шекеринска во изјавата за медиумите посочи дека се работи за шанса што нема да се пружи вторпат, прилика што ќе им овозможи на младите да растат рамо до рамо со еднакви шанси како нивните европски врсници.

Цела оваа огромна меѓународна поддршка се должи на тоа што светот виде дека Македонија сака да ја биде. Решава проблеми и решена е да оди напред. Ова го изјави денеска од Кавадарци, министерот за надворешни работи Никола Димитров.

Излезете и иекористете го своето право да гласате на престојниот референдум. Дајте им дознаење на вашите лидери дека ја поддржувате вашата нација и чекорењето на земјата на патот кон евроатлантските интеграции. Со оваа порака излезе денеска американскиот сенатор Рон Џонсон по средбата што ја имаше во Владата со премиерот Зоран Заев.

Централниот штаб на Демократската унија за интеграција за референдумот на 30 септември одржа состанок во седиштето на партијата во Тетово со 35 - те шефови на општинските штабови на ограноците на таа партија.