Делегацијата во својата програма има предвидено да се сретне со претседателските кандидати и претседателот на ДИК пред набљудувањето на изборите.

Нотите и текстот на Меморија се слушаа на скопскиот плоштад „Таму кај што вечно сонце сјае таму е Македонија народ и земја што ги сакам јас" стихови на голема надеж и желба да се биде свој на своето.

ДОМ ги повикува сите граѓани, во недела, на 5 мај масовно да излезат на гласање и да го поддржат претседателскиот кандидат Стево Пендаровски.

Во недела на 5 мај ќе се одржи вториот круг од претседателските избори. Право на глас имаат 1.808.131 избирач, кои можат да изберат меѓу двајцата кандидати Гордана Силјановска-Давкова и Стево Пендаровски, кои во првиот круг добија најголем број гласови, но не и потребното мнозинство од 904.066 гласови за тогаш да биде избран претседател на републиката.

Кандидатите за петти претседател на државата, Стево Пендаровски и Гордана Силјаноска-Давкова, ги користат последните часови да ги убедат граѓаните на 5 мај да го дадат гласот за нивните програми. И двајцата очекуваат дека ќе победат в недела, на вториот круг од претседателските избори.

Министерот за надворешни работи Никола Димитров за прв пат се вклучи во кампањата на СДСМ и Стево Пендаровски откако вечерва беше дел од митингот во Охрид.

Од партијата додаваат дека важно за Движењето Беса е Северна Македонија да избере Претседател, а не да се создаде нова институционална криза која ќе ја забави интеграцијата на земјата во НАТО и во ЕУ.

Катастрофален е податокот што сега над 70 проценти од младите својата иднина ја гледаат надвор од Република Македонија, оцени вечерва кандидатот за претседател на државата од ВМРО-ДПМНЕ Гордана Сиљановска-Давкова на трибината во Скопје, насловена „Ќе пакуваме куфери или ќе гласаме и одлучиме за нашата иднина?“

После две години тешки, но нужни компромиси, оваа Влада донесе одлуки после кои светот и Европа ни ги отворија вратите. До членството во НАТО сме на половина пат, за два месеца од сега очекуваме датум за преговори со ЕУ.

Кандидатот за претседател на Република Македонија проф. д-р Гордана Сиљановска Давкова денеска се обрати на трибината насловена „Ќе пакуваме куфери, или ќе гласаме и одлучиме за нашата иднина?“.