Избирачките места се затворени, а оценката на членовите на Општинската изборна комисија – Штип е дека граѓаните имаа мирен изборен ден. Во штипскиот регион до 18:30 часот во вториот круг на претседателските избори се бележи излезеност од 56,03 отсто.

Според податоците на Државната изборна комисија до 18:30 часот, излезеноста во Куманово е 42,33 проценти, во Липково 23,93 проценти, а во Старо Нагоричане 48,30 проценти.

Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 17:00 часот е 38,8 отсто, додека до 18 часот е 42,7 проценти, соопшти „МОСТ“.

Изборниот ден во четирите општини од крајниот исток на државата заврши во мирна и демократска атмосфера. Во Делчево според информациите кои ги соопшти заменик- претседателката на ОИК, Анка Христова до 18:30 часот во мирна и демократска атмосфера своето право на глас го оствариле 8.440 гласачи.

Излезноста до деветнаесет часот и триесет минути на подрачјето на општина Крива Паланка во вториот круг претседателски избори изнесува високи 70,49 отсто, информираат од општинската изборна комисија.

Изборниот процес низ целата држава се одвива непречно, во мирна и достоинствена атмосфера, имаме фер и демократски изборен ден. За тоа гарант се и граѓаните и институциите.

Но, и покрај сите тие злоупотреби и покрај сите тие притисоци и покрај сето тоа што се случуваше изминатите денови особено полициската опсада што беше реалност во Охрид и во Ново Село, изминатите неколку денови, ВМРО-ДПМНЕ и Гордана Сиљановска Давкова ќе победат денеска.

Џафери очекува изборниот процес да мине мирно, исто како во првиот круг, бидејќи, како што нагласи, нема причини да не биде така. Смета и дека ќе има цензус.

Претседателот на Демократската унија за интеграција Али Ахмети гласаше во вториот круг од претседателските избори на избирачкото место 0816 во Зајас-Џума.

Кандидатот за претседател од ВМРО-ДПМНЕ и Коалицијата Гордана Силјановска-Давкова денеска, на вториот круг од претседателските избори гласаше во Основното училиште „Коле Неделковски“.