Игор Јанушев, генералниот секретар на ВМРО-ДПМНЕ на прес-конференција истакна дека опозицијата победила на овие избори.

Според првичните неофицијални резултати што ги објави Државната изборна комисија од обработени 3.130 од вкупно 3.480 гласачки места, Коалицијата предводена од СДСМ „Можеме“ освои 272.881 глас или 36,15 отсто, а Коалицијата предводена од ВМРО-ДПМНЕ 262.168 гласа или 34, 73 отсто.

Од преброени гласови од 3.023 од вкупно 3.480 гласачки места, или околу 87 отсто од избирачките ливчиња, Коалицијата предводена од СДСМ „Можеме“ води со освоени 36,27 отсто од гласовите пред Коалицијата предводена од ВМРО-ДПМНЕ со 34,89.

Податоците објавени од Државната изборна комисија во нивното седиште, покажуваат дека на преброени 2.869 од вкупно 3.480 гласачки места Коалицијата предводена од СДСМ „Можеме“ води со освоени 36,42 отсто од гласовите пред Коалицијата предводена од ВМРО-ДПМНЕ со 35,27.

По обработка на околку 75 отсто од податоците СДСМ и коалицијата „Можеме“ на овој кристално чист изборен ден во нашата земја е победник и продолжуваме уште повеќе и уште подобро, рече денеска на прес-конференција генералниот секретар на СДСМ, Љупчо Николовски.

Претседателот на ДУИ, Али Ахмети прогласи победа на неговата партија во албанскиот блок, оценувајќи дека се обезбедени над 100 илјади гласови и 12 пратенички мандати.

Коалицијата „Сега е време” предводена од Алијанса за Албанците и Алтернатива води во поголемиот број на општините во ИЕ 6. Ова вечерва го изјави лидерот на АА, Зиадин Села, кој истакна дека тие водат во Гостивар, Боговиње, Неготино и Врапчиште, како и во Теарце и Брвеница.

Претседателот на Државната изборна комисија Оливер Дерковски за проблемот со веб страницата рече дека најверојатно се работи за обид за надворешен напад и дека тоа не предизвикало никаква реална штета.

Кандидатот за премиер од редовите на ДУИ, Насер Зибери пред новинарите во седиштето на партија изјави дека бележат убедлива победа во многу места низ државата.

Од преброени гласови од 2.491 од вкупно 3.480 гласачки места, или околу 72 отсто од избирачките ливчиња Коалицијата предводена од СДСМ „Можеме“ води со освоени 36,9 отсто од гласовите пред Коалицијата предводена од ВМРО-ДПМНЕ со 35,9.