Со авион Ц-27 на грчкото воено воздухопловство, доцна вечерва од Скопје во Атина ќе бидат префрлени уште четворица повредени во пожарот во Кочани, јави дописничката на МИА од Атина.

МЗ соопштува и за состојбата на повредените кои се пренесени за лекување во странство.

Во насоките за училиштата, меѓу другото, пишува дека треба да се одржуваат училишните активности и да не се откажуваат часовите зашто надвор од наставата учениците ќе се препуштаат на неконтролирани влијанија од средината.

Јавниот обвинител Љупчо Коцевски вечерва изјави дека истрагата за пожарот во Кочани во кој загинаа 59 лица а над 155 се повредени, ќе биде брза и ефикасна и најпрофесионално изведена. Вели дека мора да се соберат сите докази и затоа обвинителскиот тим постапува многу претпазливо.

Во Полска попладнево беа пренесени двајца повредени во пожарот во Кочани, соопшти Делегацијата на ЕУ во земјава на својата Фејсбук страница.

Агенцијата за цивилно воздухопловство (АЦВ) вовела забрана за користење воздухоплови без екипаж (дронови), за вршење какви било операции, на територијата на градовите Кочани и Штип.

Болницата „Пирогов“ во Софија, каде што се лекуваат дел од повредените од пожарот во Кочани, попладнево ја посетиле министрите за здравство и за надворешни работи и надворешна трговија, Арбен Таравари и Тимчо Муцунски.

Со 16 минутен молк на плоштад „Македонија“ во Скопје започна собирот на граѓани во спомен на жртвите од трагичната несреќа во Кочани. Илјадници граѓани се собраа да изразат поддршка и грижа во овие најтешки моменти.

Влатко Здравков, исто така учесник на собирот, се надоврза со благодарност до лицата од обезбедувањето.

- Граѓаните на Делчево вечерва се солидаризираа со настраданите во пожарот во дискотеката „Пулс“ во Кочани. Со палење свеќи во Градскиот парк, тие ја изразија својата почит кон загинатите во Кочани, а воедно упатија молитви кон повредените посакувајки им поскоро оздравување.