Во изминатите 24 часа во ковид центрите во Скопје се хоспитализрани 70 нови пациенти поради компликации од корона вирусот. Вкупно 569 лица сомнителни и потврдени за КОВИД -19 се лекуваат на инфективните оддели во главниот град.

Пратеникот од Македонска алијанса за европска интеграција, МАЕИ, Васил Стерјовски, на денешната пленарна седница на албанскиот парламент, повторно ја пренесе загриженоста на Македонците, жители на општина Пустец во врска со проблемот со снабдување со електрична енергија.

Министерот за животна средина и просторно планирање Насер Нуредини и амбасадорката на Швајцарија Сибил Зутер Техада потпишаа Меморандум за соработка за спроведување на Излезната фаза од Програмата за зачувување на природата во Северна Македонија (ПЗП), со што ќе се придонесе кон постигнување на одржливост на резултатите добиени во рамките на ПЗП во изминатите осум години, соопшти Министерството за животна средина и просторно планирање.

Во своја одбрана, сопственикот на „Дурмо Турс“ Белули рече, дека на никој начин не придонел за сообраќајната несреќа и дека за тоа не се чувствува виновен.

Министерот за правда Бојан Маричиќ денеска во Брисел ќе има средби со потпретседателката на Европската комисија за транспарентност и вредности Вера Јурова и со европратеникот Андреас Шидер.

Денешното рочиште за судскиот предмет ,,Шпански скали” се одложи заради изолација на еден од обвинетите. Следното рочиште за овој случај е закажено на 6 април.

Според „Џуст аксес“, преговорите меѓу двете земји не треба да дозволат агресивниот и нефер став на „Бугарија кон нејзиниот сосед да остане незабележан, бидејќи нејзината инструментализација на правото на ЕУ и навредливите аргументи поврзани со културата и идентитетот, негативно влијаат на владеењето на правото во Европа“.

„Океаните, нашата клима и времето“ е мотото под кое годинава се одбележува Светскиот метеоролошки ден, 23 Март.

Како што соопшти владината прес-служба, на разгледување и усвојување се и Извештајот за работата на Советот за соработка со и развој на граѓанскиот сектор во 2020 година, како и Годишниот извештај за работата на Националниот координативен центар за гранично управување.

Заклучно со 22 март вкупно се вакцинирани 6.704 здравствени работници со прва доза (4.002 – Pfizer/Biontech и 2.702 – Sputnik V) и 2.572 (Pfizer/Biontech) со втора доза на вакцина против Ковид-19.