Една од најсофистицираните тераписки процедури во современата медицина, несродна трансплантација на матични хематопоетски клетки почнува од денеска да се извршува во целосно реновираниот Оддел за трансплантација при Универзитетската клиника за хематологија-Скопје.

На денешното судско рочиште за предметот на Специјалното јавно обвинителство „Тенк“ треба да бидат дадени завршни зборови за инволвираните во овој процес.

Европската унија денеска ќе даде ново ветување за членство на своите партнери од Западен Балкан во момент кога шесте земји, меѓу кои Македонија се наведени во нацрт-декларацијата што ќе биде усвоена во Софија, но без најпосакувана награда - датум на пристапување.

Делегација на Владата на Обединетото Кралство на Велика Британија и Северна Ирска, предводена од премиерката Тереза Меј денеска ќе престојува во официјална посета на Република Македонија.

Во Охрид вечер почнува првата парламентарна средба во рамки на Жан Моне процесот инициран од тројцата европратеници Иво Вајгл, Едуард Кукан и Кнут Флекенштајн.

Премиерите на Македонија и Грција на денешната средба на маргините на Самитот ЕУ-Западен Балкан во Софија разгледале можни опции за креативни решенија за спорот со името, при што една од нив била најприфатлива, јави известувачот на МИА од главниот град на Бугарија.

Бригадниот генерал Методи Хаџи Јанев, денеска, на воената свеченост во касарната „Илинден“ во Скопје, ја презеде должноста командант на Полкот за специјални операции од бригадниот генерал Орце Јордев.

Самитот во Софија на кој два дена ќе учествуваат премиерите на 28 земји членки на ЕУ, како и нивните колеги од земјите кандидати за членство од регионов, но и посетата на британската премиерка Тереза Меј на Скопје, атмосферата во контекст на прашањето за името ја доведоа до фаза на вриење.

Македонскиот премиер Зоран Заев и неговиот грчки колега Алексис Ципрас, денес, во 10,30 часот по бугарско време, во Софија ќе ја имаат својата втора тет-а-тет средба.

Гоце Делчев е Бугарин по потекло, но може да го слават како херој и во Македонија, а македонизмот веќе го претрпел својот крах, преку телевизијата БТВ порача шефот на бугарскиот дел од заедничката комисија за историски и за образовни прашања, Ангел Димитров, уште пред нејзиниот прв состанок следниот месец во Софија.