Временската рамка и чекорите како да се имплеменира евентуалниот договор за спорот со името кој го има Грција со Република Македонија се новите моменти во преговорите кои вчера ги продолжија министрите за надворешни работи.

Буџетскиот совет на Собранието на Република Македонија денеска ќе ја одржи втората седница на чиј дневен ред е Утврдувањето на бројот на надворешни соработници по пратенички групи.

Вицепремиерот за европски прашања Бујар Османи денеска ќе го презентира статусот на имплементацијата на Планот 3-6-9.

Во Кривичниот суд за денеска се закажани нови рочишта за предметите на Специјалното јавно обвинителство „Т.Н.Т“, „Транспортер“ и „Тендери“.

Според д-р Ана Петрова, советник на директорот, правото на избор на лекар треба да остане на пациентите, а во периодот додека трае трансферот, на докторот ќе му се исплатува капитацијата, односно ќе добие толку колку што имал претходниот доктор.

Еврокомесрот Хан во Скопје ќе пристигне во среда додека Могерини земјава ќе ја посети следниот ден. Високата претставничка на ЕУ за време на престојот во Скопје ќе се обрати пред пратениците во Собранието на РМ.

Две екипи иследници од Организацијата за забрана на хемиско оружје (ОПЦВ) денеска и утре треба да пристигнат во Сирија, за да го истражат наводниот смртоносен хемиски напад во градот Дума.

Предупредивме дека, ако следат други чекори кои водат кон натамошна ескалација меѓу нашите односи, ќе бидеме принудени да одговориме со симетрични мерки, изјави денеска рускиот амбасадор Олег Шчербах.

Министерот за внатрешни работи Оливер Спасовски денеска во Софија учествува на неформалниот состанок на министрите за внатрешни работи на земјите од Западен Балкан во огранизација на бугарското МВР, а во рамки на претседателството на Бугарија со Советот на ЕУ.

Како што истакна Иванов, наивно е да се очекува дека дигитализацијата ќе даде одговор на сите предизвици зашто, како и секоја човечка творба, така и дигиталната трансформација подлежи на законот на непланирани последици бидејќи нештата можат да тргнат наопаку.