Вицепремиерот, Бујар Османи, ги повика денеска надлежните да преземат мерки во врска со навредите и заканите што Беќир Асани од ДУИ му ги испраќал на претседателот на ЗНМ, Насер Селмани. Тој денеска го осуди однесувањето на Асани и рече дека ниту тој, ниту Владата, нема да штитат никого.

Премиерот Зоран Заев денеска изјави дека посакува Македонија и Грција во преговорите за спорот околу името да пронајдат решение, кое ќе ги зачува достоинството и идентитетот на двете страни.

Заев одговарајќи на новинарско прашање нагласи дека Мичел доаѓа во време кога Македонија сака да ја унапреди соработката со стратешките партнери.

Премиерот Заев очекува неделава да биде донесен Законот за употреба на јазиците, согласно со Уставот и законите. Дебатата е отворена веќе девет месеци и како што вели, треба што побрзо да биде затворена. Според него, сите кажале сѐ што имаат, а било оставено и доволно време за дијалог.

Мичел во Скопје, како што веќе објави МИА, ќе се сретне со премиерот Зоран Заев и со министерот за надворешни работи Никола Димитров.

Делегација на Советот на министри на Република Босна и Херцеговина, предводена од претседавачот на Советот Денис Звиздиќ, денеска ќе престојува во еднодневна официјална посета на Република Македонија.

Министерот за надворешни работи на Полска, Јацек Чапутович, денеска ќе престојува во работна посета на Македонија, во тек на која ќе има средба со македонскиот колега Никола Димитров.

Во Собранието на Република Македонија денеска ќе се одржи 37. седница по повод 75 години од депортацијата на Евреите од Република Македонија во логорот на смртта Треблинка. По оваа седница закажано е продолжување на 35. пленарно заседание.

Собранието го очекува повторно неизвесна недела имајќи ги предвид неофицијалните најави дека кон средината на неделата би можело повторно да биде закажана 32. седница на која на дневен ред се над 35.000 амандмани на опозицијата за Законот за употреба на јазиците.

Вицепремиерката и министерка за надворешни работи и европски прашања на Хрватска Марија Пејчиновиќ Буриќ денеска и утре (12 и 13 март) ќе престојува во официјална посета на Македонија.