Тој во изјава за Телма ја отфрла можноста за менување на текстот, бидејќи, како што вели, тој е усогласен претходно со двете најголеми партии во македонскиот блок.

Лекарската, Стоматолошката и Фармацевтската комора на Македонија преку соопштение ја поздравија одлуката за изградба на „Медицински град” со Клинички центар, Медицински факултет, Истражувачки центар и Студентски кампус во близина на Скопје.

Делегација од амбасадори на Република Австрија во регионот предводени од Клаус Вулфер, раководител на Одделот за Западен Балкан и проширување на ЕУ при австриското МНР, денеска се сретнаа со претседателот на Собранието на Република Македонија, Талат Џафери.

Средбата е дел од пошироката активност на Австрија за подлабоко скенирање на состојбите во земјите од Западен Балкан, пред јунското преземање на претседавањето од страна на земјата со ЕУ.

Триесет и четвртата генерација војници на доброволно служење воен рок во Македонија во касарната „Алексо Демниевски-Бауман” во Велес положија свечена заклетва.

Рочиштето на кое Врховниот суд во Атина одлучува по жалбата за одлуката на Солунскиот суд за екстрадиција на поранешниот началник во УБК Горан Грујевски и неговиот колега Никола Бошковски е одложено за 26 април.

Врховниот суд во Атина денеска треба да одлучува по жалба за одлуката на Солунскиот суд за екстрадиција на поранешниот началник во УБК Горан Грујевски и неговиот колега Никола Бошковски.

Реакциите на адвокатите се спонтани и оправдани и се резултат на Предлог законот за нотаријат во кои се отстрануваат адвокатите, изјави за МИА претседателот на Адвокатската комора на Македонија, Никола Додевски во врска со најавите за штрајк.

Посочи дека тоа ќе биде мал медицински град кој ќе биде лесно достапен за граѓаните на Скопје и на целата држава. Одлуката за дислокација, наведе Филипче, е донесена по широки консултации со лекарите, архитектите и граѓаните.

Игор Спасов, осуден на казна затвор од 14 години и шест месеци за убиството на Мартин Нешковски вчера побегнал од затворот Идризово. Се вратил сам околу 2 часот по полноќ во алкохолизирана состојба, пишува Досие.