Претседателот на Собранието на Република Македонија Талат Џафери не прецизираше кои ќе бидат неговите наредни чекори во врска со донесувањето на законот за употреба на јазиците, кој е во трето читање во Парламентот, туку само посочи дека се ќе биде во согласност со Уставот и собранискиот Деловник.

Министерот без ресор задолжен за комуникации, отчетност и транспарентност, Роберт Поповски ја осудува заканата врз претседателот на Здружението на новинарите на Македонија, Насер Селмани.

Правна блокада се подготвува врз правосудните институции од страна на 3000 адвокати доколку Владата го одобри новиот предлог закон за нотаријат со кој се одземаат голем број на ингеренции на адвокатите, а им се даваат на нотарите.

Најавените промени во Законот за абортус, е тема на денешната средба на министерот за здравство Венко Филипче со претставничките на женски организации, како партнер на Министерството во креирање политики за унапредување на здравјето на мајките и новороденчињата.

Во Скопје, жените од различни професии маршираа против насилтвото и стереотипите во општеството. Од Организацијата за родова еднаквост побараа да се подигне јавната свест за нееднаквата положба.

Секоја година има нови 300 бубрежно болни луѓе. Од нив, во првите месеци голем е бројот на оние кои ќе починат или ќе прекинат со дијализно лекување бидејќи биле акутни, што значи 250 после третиот месец од лекување со дијализа остануваат на хронична дијализа програма.

Четириесет проценти од жените доживеале некоја форма на сексуално вознемирување на работното место, а 31 процент секојдневно добиваат навреди за својата работа од претпоставените, покажуваат светските статистики.

Како што изјави денеска министерот за информатичко општество и администрација Дамјан Манчевски на 1.600 вработени по Рамковен договор ќе им биде понудено работно место што не значи дека тие мора да го прифатат. Доколку не го прифатат ќе бидат на трансфер листа од каде повторно ќе може да бидат распоредени за потребите на друга институција доколку тоа биде прифатливо за нив.

Министерката истакна дека при приемот на питомците оваа година во Воената академија повеќе од половината од кандидатите биле девојки, кои биле меѓу најдобро пласираните во однос на успехот, тестирањата и физичката подготвеност.

Агенцијата за аудио и аудиовизуелни медиумски услуги (АВМУ) најостро ги осудува заканите упатени кон претседателот на Здружението на новинарите, Насер Селмани.