Здружението на новинари на Македонија денеска ги додели годишните новинарски награди за животно дело и за истражувачка сторија, по повод 72-годишнината од формирањето на ЗНМ.

Претседателот на Европската Комисија, Жан-Клод Јункер во интервју за Дојче веле оценува дека Македонија прави голем напредок во насока кон Европа и дека она што е важно на тој пат е супстанцијата, а не календарот.

Се спроведува голема постапка за набавка на лекови за ретки болести врз основа на работата на Комисијата за ретки болести која е советодавно тело и во која членуваат доктори од клиниките каде се лекуваат овие пациенти. Таа постапка деновиве ќе биде објавена.

Работите за решавање на проблемот со името одат со предвидената динамика, а оптимизмот се уште е на високо ниво. Сакаме проблемот да се реши што побрзо и достоинствено, а решението да биде заемно прифатливо и за двете страни, порача денеска портпаролот на Владата Миле Бошњаковски.

Од учебната 2018/2019 година се предвидува воведување на босанскиот јазик во редовната настава во основното деветгодишно образование, со што се воведува можност припадниците на бошњачката етничка заедница да учат на својот мајчин јазик.

Дали можете да замислите дека од 8.000 ретки болести само за 250 има лек или некаква терапија, додека сите останати чекаат да завршат клиничките истражувања за некој нов лек или терапија што ќе им го подобри или продолжи животот.

– Сметаме дека Еленовски, врз основа на искуството што го поседува, ќе придонесе во интегративниот процес на РМ во НАТО, рече владиниот портпарол Миле Бошњаковски одговарајќи на новинарско прашање на денешната прес-конференција во Владата.

Сите кои се заинтересирани да го купат „мерцедесот“ С600 кој е во сопственост на државата, можат да го разгледаат на 7 март (среда) од 10 до 15 часот во гаражата на Македонска радио-телевизија, информираа денеска од Службата за општи и заеднички работи на Владата.

Претседателот на Собранието на Република Македонија Талат Џафери очекува во наредните денови да се најде решение за над 35-те илјади амандмани на Законот за употреба на јазиците поднесени од опозициската ВМРО-ДПМНЕ.

Претседателот на Собранието Џафери е оптимист дека е можно политичко решение за одблокирање на Собранието. Очекува наскоро решение за Законот за употреба на јазиците и поднесените над 35.000 амандмани од опозициската ВМРО-ДПМНЕ.