Потребно е да се вложат сите напори во процесот на преговорите меѓу Македонија и Грција за да се најде взаемно прифатливо решение околу спорот со уставното име, кое ќе ги заштити идентитетот и дигнитетот на граѓаните на Република Македонија.

Нема да има реконструкција на владата, најави премиерот Зоран Заев на прес-конференцијата со неговиот албански колега Еди Рама во Поградец.

Република Македонија и Република Албанија очекуваат наредната 2018 година да ги започнат преговорите за зачленување во Европската унија, да го искористат моментот на позитивна клима во регионот за напредок во тој процес.

На традиционалната церемонијална парада на дипломците на Кралската воена академија „Сендхрст“ дипломецот од Македонија Милош Трендевски, потпоручник во македонската армија е прогласен за најдобар од сите меѓународни студенти.

За овие мерки денеска на иницијатива на премиерот Зоран Заев се одржа состанок на Интервентната акциска група, составена од претставници на кабинетот на премиерот, Министерството за животна средина и Градот Скопје.

Парламентарното мнозинство на 22 декември и без присуство на опозицијата ќе го донесе Предлог-буџетот за 2018 година, изјави денеска координаторот на пратеничката група на СДСМ Томислав Тунтев.

Владите на Република Македонија и на Република Албанија денеска во албанскиот град Поградец ја започнаа првата заедничка седница, на чиј дневен ред се повеќе теми насочени кон унапредување на билатералната соработка, јави известувачот на МИА.

Собранието на Република Македонија денеска во рамки на продолжението на 22. седница ја заврши расправата по владиниот предлог Љубомир Јовески да биде нов државен јавен обвинител, а гласањето претседателот на законодавниот дом Талат Џафери го закажа за 22-ри овој месец.

Седницата за буџетот за следната година и двете други собраниски седници што беа закажани за денеска се одложени поради објективни причини и неодложни активности на дел од претставниците на Владата на Република Македонија.

Седницата на Собранието на која на дневен ред беше дополнетиот Предлог буџет за 2018 година денеска е преместена за 22 декември.